SuperDizionari

tirâ dilunc loc.v.

Lâ indenant, movisi indenant, soredut cence fermâsi

sinonims

lâ indenant, lâ indevant, lâ vie dret, lâ dret, lâ dilunc, tirâ indenant

esemplis

"il Signôr, cence badâi [a sant Pieri], al tirà dilunc e al jentrà intune altre cjase plui puare, nere di cjalin"

gjavât fûr di "La ospitalitât" di Luigi Gortani

tirâ dilunc loc.v.

Lâ indenant a jessi o a compuartâsi intune cierte maniere o a fâ alc

sinonims

lâ indenant, lâ indevant, lâ vie dret, lâ dret, lâ dilunc, tirâ indenant

esemplis

"il patrimoni culturâl di cheste regjon sul confin, spetacolâr te sô pluritât di formis artistichis, di sfumaduris dialetâls, di contaminazions forestis, di popui e di tradizions, al tire dilunc e si transforme"

gjavât fûr di "La tô place: cjanton di mont" di Valentina Urli

tirâ dilunc loc.v.

Lâ indenant cuntun discors, cuntun argoment

sinonims

lâ indenant, lâ indevant, parâ indenant, parâ indevant

esemplis

""No viodial in ce cundizion che al è ridot? Al à il fisic di un di sessante agns!" [...] "Ce puedial fâmi un spagnolet?". "Che al fumi, che al fumi, al viodarà ben!" E comentà la muinie tirant dilunc, po: "Che al torni te sô stanzie cumò, che ca di un pôc e rive la cene""

gjavât fûr di "Tal ospedâl" di Amedeo Giacomini

tirâ dilunc loc.v.

Vê une cierte durade

sinonims

lâ indenant, lâ indevant, lâ dilunc, lâ a dilunc, tirâ a dilunc, tirâ a lunc

tirâ dilunc loc.v.

Vivi, sostentâsi, lavorâ e v.i., intune cierte maniere che e pues jessi specificade o soredut a la mancul piês (coloc.)

sinonims

tirâ indevant, lâ indevant, lâ indenant, tirâ indenant

esemplis

"cussì, cence vê un fin, al tirave dilunc sbarcjant lunari e cuant che no jerin plui napis di spacâ, nissun i dineave une bocjade di companadi e une fete di polente"

gjavât fûr di "Spacecjamin" di Pieri Somede dai Marcs

"o pensi a mê mari e a gno pari che, par tirâ dilunc, a àn di scanâsi dut il dì"

gjavât fûr di "Sul florî" di AAVV

tirâ dilunc loc.v.

Fâ spietâ tant o fâ ritardâ

sinonims

tirâ in lunc, tirâ a lunc

esemplis

"par gjavâ di mieç il probleme [di cjatâ la cuviertidure finanziarie pe leç], si tire dilunc ancje la aprovazion dai regolaments"

gjavât fûr di "Comedie continue" di Oscar Puntel

monolengâl